مودی سرکار نے اپنی فضائیہ کو 45ہزار 696 کروڑ روپے کا ٹیکا لگا دیا

میڈیا رپورٹس کے مطابق مودی سرکار نے اپنی عوام کو 45ہزار  696 کروڑ کا ٹیکا لگا دیا، بی جے پی کے وزیردفاع راج ناتھ سنگھ نے ہندوستانی کمپنی ہندوستان ایروناٹکس لمیٹڈ کو چھ اعشاریہ پانچ بلین ڈالر ٹھیکےسے نوازا اور تیجا جہاز لینے پر مجبور کیا، جو کسی کام کے نہ رہے ۔ جبکہ بھارتی نیوی پہلے دن ہی انہیں تکنیکی مسائل کی وجہ سے مستر د کرچکی تھی۔رپورٹس کے مطابق تیجا جہاز مِگ 21 کے نعم البدل کے طور پر متعارف کرائے جا رہے تھے ، مگر اب تک ساٹھ فیصد تیجا گراؤنڈ ہوچکے ہیں۔ 

واضح رہے کہ بھارتی ایوی ایشن سسٹم انڈسٹری اپنی غیر معیاری پیداوار اور دہایوں پر محیط اپنی مسلسل نا کامیوں اور نا اہلیوں کی وجہ سے پوری دنیا میں بد نام ہے۔ اس امر کا اندازہ اسی بات سے لگایا جا سکتا ہے کہ دنیا میں خود کو چین کا متبادل اور مقابل متعارف کروانے والا ملک چھبیس سال  میں اپنے تیار کردہ جہاز کی کینوپی کا فالٹ تک درست نہ کر پایا۔