کاروباری ہفتے کے پہلے روزسونا مزید مہنگا ،فی تولہ کتنے کا ہو گیا؟

کراچی : پاکستان اور عالمی مارکیٹ میں مسلسل چوتھے روز سونے کی قیمت میں اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز سونے کی فی تولہ قیمت میں 1600 روپےکا اضافہ ہوا ہے جس کے بعد سونے کی نئی قیمت  3 لاکھ 59 ہزار 700 روپے ہوگئی۔

 اسی طرح دس گرام سونے کی قیمت میں 1371 روپے کا اضافہ ہوا ہے جس کے بعد سونے کی نئی قیمت  3 لاکھ 8 ہزار 384 روپے کا ہوگئی ہے۔

دوسری جانب عالمی بلین مارکیٹ میںفی اونس سونا 16 ڈالر مہنگا ہوکر 3 ہزار 372 ڈالر پر پہنچ گیا۔
واضح رہے کہ گزشتہ ہفتے پاکستان اور عالمی مارکیٹ میں سونے کی قیمت میں مسلسل تین روز اضافہ ریکارڈ کیاگیا تھا۔