فیلڈ مارشل عاصم منیر کی اقوام متحدہ میں پاکستانی مشن کی رکن صائمہ سلیم سے ملاقات

فیلڈ مارشل عاصم منیر نے اقوام متحدہ میں پاکستانی مشن کی رکن صائمہ سلیم سے ملاقات کی اور  اہم عالمی و علاقائی معاملات پر پاکستان کا مؤقف  اجاگر کرنے کی کوششوں کو  سراہا۔

آئی ایس پی آر کے مطابق فیلڈ مارشل عاصم منیر کا کہنا تھا کہ صائمہ سلیم خصوصی افراد کے لیے عزم اور ہمت کی روشن مثال ہیں، صائمہ سلیم قوم کے لیے چمکتا ستارہ ہیں، صائمہ سلیم بصارت سے محرومی کے باوجود عالمی سفارت کاری میں نمایاں مقام رکھتی ہیں۔

 فیلڈ مارشل عاصم منیر کا کہنا تھا کہ  پاک فوج خصوصی افراد کی معاونت اور با اختیار بنانے کے لیے پُرعزم ہے۔

آئی ایس پی آر کے مطابق صائمہ سلیم نے اقوام متحدہ میں اپنے کام اور پاکستان کو درپیش اہم مسائل اور چیلنجزپر بریفنگ دی۔ صائمہ سلیم نے فیلڈ مارشل کے ساتھ اپنی ادبی کام بھی شیئر کیا۔

فیلڈ مارشل نے اہم عالمی و علاقائی معاملات پر پاکستان کا مؤقف اجاگر کرنے کی کوششوں کو سراہا۔ فیلڈ مارشل نے خطے میں بھارتی ریاستی سرپرستی میں دہشت گردی کا معاملہ اجاگر کرنے پر صائمہ سلیم کی تعریف کی۔