بنوں: نادرا آفس پر دہشت گردوں کے حملےمیں 2پولیس اہلکار شہید

بنوں: صوبہ خیبر پختونخوا کے ضلع بنوں میں خارجی دہشتگردوں نے نارداآفس پر حملہ کر دیا جس کے نتیجے میں سیکیورٹی پر ماموردو پولیس اہلکار شہید ہو گئے۔

پولیس کے مطابق فائرنگ کے نتیجے میں کانسٹیبل رفیع اللہ اور کانسٹیبل گل شاہ موقع پر جاں بحق ہوئے۔ 

واقعے کی اطلاع ملتے ہی پولیس کی بھاری نفری جائے وقوعہ پر پہنچ گئی تاہم ملزمان موقع سے فرار ہونے میں کامیاب ہو گئے۔ 

پولیس حکام کا مزید کہنا ہے کہ شہید اہلکاروں کی لاشوں کو پوسٹ مارٹم کے لیے ڈسٹرکٹ ہیڈکوارٹر ہسپتال بنوں منتقل کر دیا گیا ہے جبکہ واقعے کی مزید تحقیقات جاری ہیں۔