آرمی چیف جنرل قمر جاوید باجوہ کی زیر صدارت کورکمانڈر کانفرنس

پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ کی زیر صدارت 239 ویں کور کمانڈر کانفرنس جی ایچ کیو میں منعقد ہوئی جس میں پاکستان کو درپیش  چیلنجز کا جائزہ لیا گیا جبکہ کور کمانڈر کانفرنس میں خطے کی سلامتی اور  مجموعی سکیورٹی صورتحال پر  بھی تبادلہ خیال ہوا۔

آئی ایس پی آر کا مزید کہنا تھا کہ کور کمانڈر کانفرنس میں سرحدی سلامتی اور پاک فوج کی پیشہ ورانہ تیاریوں پر بھی غور کیا گیا جبکہ کور کمانڈرز نے مقبوضہ کشمیر کی صورتحال پر بھی تبادلہ خیال کیا۔ کور کمانڈرز نے کہا کہ عالمی سطح پر بھِی مقبوضہ جموں کشمیر میں بھارتی مظالم اور انسانی حقوق کی خلاف ورزیوں کا ادراک ہے ۔

آئی ایس پی آر کا مزید کہنا تھا کہ کور کمانڈر کانفرنس میں کور کمانڈرز نے کشمیریوں کے حق خود ارادیت کی حمایت جاری رکھنے کے عزم کا اعادہ کیا اور کہا کہ اقوام متحدہ کی قراردادوں کے مطابق مسئلہ کشمیر حل ہونا چاہیے۔

آئی ایس پی آر کا مزید کہنا تھا کہ اجلاس میں افغان مسئلہ کے دیرپا حل کی امید کا اظہار بھی کیا گیا اور کمانڈرز نے کہا کہ مستحکم افغانستان خطہ کے امن کا ضامن ہے،قومی مفاد ہر چیز سے بالاتر ہے،قوم کسی بھی مہم جوئی کا بھرپور مقابلہ کرنے کیلئے تیار ہے۔