سابق ہیڈ کوچ قومی ٹیم مکی آرتھر کورونا وائرس کا شکار

غیر ملکی خبر ایجنسی کے مطابق قومی کرکٹ ٹیم کے سابق ہیڈ کوچ مکی آرتھر ان دونوں سری لنکا کرکٹ ٹیم کے ہیڈ کوچ ہیں اور ویسٹ انڈیز کے خلاف سیریز کی تیاریوں کے سلسلے میں سری لنکن کھلاڑی اور آفیشلز کی کورونا ٹیسٹنگ ہوئی جس میں مکی آرتھر کورونا وائرس کا شکار ہوگئے۔

حکام نے مزید کہا کہ سابق ہیڈ کوچ مکی آرتھر کے علاوہ سری لنکا کے کرکٹر لاہیرو تھیری مانے کا بھی کورونا وائرس ٹیسٹ مثبت آیا ہے۔

خیال رہے کہ سری لنکا کرکٹ ٹیم نے رواں ماہ ویسٹ انڈیز کا دورہ کر نا ہےجہاں دونوں ٹیموں کےمابین 2 ٹیسٹ 3 ایک روزہ اور 3 ٹی ٹوئنٹی میچز کھیلے جائیں گے۔