پی ایس ایل 6 کیلئے ٹکٹوں کی فروخت 10 فروری سے شروع ہونے کا امکان

ذرائع کے مطابق پی سی بی  نے تمام ایس او پیز کو مد نظر رکھتے ہوئے پلان تیارکرلیا، پی سی بی کے اعلی حکام کل اسلام آباد میںاین سی او سی حکام سے ملاقات کریں گے۔ گزشتہ ملاقات میں شائقین کو اسٹیڈیم میںداخلے کیلئے گرین سنگل مل چکا ہے،ذرائع کا کہنا ہے کہ اسٹیڈیم میں 25فیصد افراد کو بیٹھنے کیاجازت دی جائے گی، پلان کے مطابق شائقین میں کم از کم دو سیٹوںکا فاصلہ ہوگا، فیملی کے ممبران کو ایک ساتھ بیٹھنے کیاجازت ہوگی۔

دوسری جانب  ٹکٹوں کی فروخت صرف آن لائن کرنےکی تجویزبھی زیر غور ہے ۔ ٹکٹ فروخت کرنے والی تین مختلف کمپنیز سےبھی پی سی بی افسران کی ملاقات ہوچکی۔ اجازت ملنے کے بعد ٹکٹوں کی فروخت 10 فروری سے شروع ہونے کا امکان ہے ۔ کم شائقین کی انٹری کی وجہ سے قیمتوں کےنرخ تھوڑے زیادہ ہونگے۔

 واضح رہے کہ پی ایس ایل کا چھٹا سیزن 20 فروری سے کراچی میں شروع ہورہا ہے، جس کے ابتدائی 20 میچز شہر قائد میں کھیلےجائیں گے جبکہ آخری 14 میچز لاہور میں ہوں گے۔