"خاموش بیٹھی رہو بے وقوف، یہ کسان نہیں دہشت گرد ہیں"

تفصیلات کے مطابق نئے زرعی قوانین کے خلاف دہلی کی سرحدوں پردو ماہ سےزیادہ مدت سےکسانوں کااحتجاج جاری ہے ۔کسانوں نےحکومت پر دباؤ بنانے کےلئے 26 جنوری یعنی یوم جمہوریہ کےدن ٹریکٹر ریلی نکالی تھی جس میں تشدد بھی ہوا اور شر پسند عناصر نے لال قلع میں گھس کر ایک مذہبی جھنڈا بھی پھیرایا جس کےبعد سےکسانوں کی اس تحریک پرسوال اٹھ رہے ہیں ۔ 

اس دوران معروف امریکی پاپ اسٹار ریحانہ نے کسانوں کےحق میں ٹویٹ کیاہے۔بھارتی پاپ سٹار نے نٹرنیٹ بند کرنےسے متعلق خبروں کوشیئر کرتےہوئے لکھاہے ’’ہم اس بارے میں بات کیوں نہیں کر رہے؟‘‘ ریحانہ نےاس کےساتھ #FarmersProtestکا استعمال کیا ہے۔ 

No one is talking about it because they are not farmers they are terrorists who are trying to divide India, so that China can take over our vulnerable broken nation and make it a Chinese colony much like USA...
Sit down you fool, we are not selling our nation like you dummies. https://t.co/OIAD5Pa61a

— Kangana Ranaut (@KanganaTeam) February 2, 2021

پاپ اسٹار کےاس ٹویٹ پر بالی ووڈ اداکارہ کنگنا رناوت بھڑک اٹھی، کنگنا نےریحانہ کے ٹویٹ کے جواب میں ٹویٹ کیا ہےجس میں لکھا ہے ’’کوئی بات اس لئے نہیں کررہا ہے کیونکہ یہ کسان نہیں دہشت گرد ہیں جو ہندوستان کو تقسیم کرنا چاہتے ہیں تاکہ چین ہمارے ملک پر قبضہ کرلےاور امریکہ جیسی چینی کالونی بنا دے۔ کنگنا رناوت نے ساتھی فنکارہ کو جواب دیتے ہوئے کہا کہ خاموش بیٹھی رہو بےوقوف۔ ہم تمہارے جیسے بےوقوف نہیں ہیں جو اپنےملک کو بیچ دیں۔‘‘

واضح رہے کہ اس سے قبل بھی کسانوں کو دہشت گرد قرار دینے پر بھارتی اداکارہ کنگنا رناوت کے خلاف کرناٹک میں مقدمہ درج کیا جا چکا ہے۔ کرناٹک کے ضلع ٹوماکورو کی ایک عدالت نے پولیس کو ہدایت دی کہ وہ اداکارہ کنگنا رناوت کے خلاف اپنے حالیہ ٹویٹ پراحتجاج کرنے والے کسانوں کو مبینہ طور پر نشانہ بنانے کے لئے ایف آئی آر درج کریں۔اداکارہ کے خلاف یہ مقدمہ ایک وکیل ایل رمیش نائک کی ایک شکایت کی بنیاد پر ، جوڈیشل مجسٹریٹ عدالت نے کیاتھا –۔ 

کرناٹک عدالت کی ہدایت کے بعد پولیس نے بولڈ اداکارہ کے خلاف ایف آئی آر درج کی جبکہ اس میں ان کے خلاف دو گروہوں کے درمیان لڑائی کروانے کی کوشش کرنے، جان بوجھ کر ایک گروپ کی توہین کرنے، شدید اشتعال انگیزی پھیلانے سمیت دیگر دفعات شامل کی گئی ہیں۔