جعلی پائلٹ لائسنس اسکینڈل ، سی اے اے کے اعلی حکام کا پائلٹس سے پیسے لینے کا انکشاف

تفصیلات کے مطابق ایف آئی اے کی تحقیقات میں مزید انکشاف سامنے آگئے، ایف آئی اے نے ڈاریکٹر لائسنسگ سی اے اے عادل پرویز کو بھی تحقیقات میں شامل کرلیا،سی اے اے کے ڈاریکٹر پائلٹس لائسنس کو تحقیقات کے لیے ریکارڈ سمیت طلب کیا گیا تھا۔

جی این این کے مطابق سی اے اے کے اعلی حکام فرنٹ مین کے ذریعے پائلٹس سے پیسے لینے کا انکشاف ہوا ہے۔ایف آئی اے کے مطابق  اب تک سی اے اے لائسنس برانچ کے حکام نے پائلٹس لائسنس میں گھپلوں سے کروڑوں روپے کمالیے،سی اے اے لائسنس برانچ کے حکام پائلٹس کو پاس کرنے کے لیے ایک ایک پرچے کے 5 لاکھ روپے تک ریٹ فکس تھے،پائلٹس کی جگہ کسی اور کو بٹھاکر امتحان پاس کرواکر سی اے اے کے ملوث افسران کمیشن لیتے ، پائلٹس سے پیسے کیش اور گلستان جوہر میں ایک نجی بینک کے اکاؤنٹ میں منتقل کیے جاتے تھے۔

ایف آئی اے نے گرفتار سی اے اے کے لائسنس برانچ کے افسران اور پائلٹس کا ریمانڈ حاصل کرلیا، جعلی لائسنس تحقیقات میں دو اہم سی اے اے کے ملوث ملزمان کی گرفتاری کے لیے چھاپے جاری،پائلٹس سمیت سی اے اے کے مزید ملزمان کا نیٹ ورک تحقیقات میں سامنے آگیا،ایف آئی اے کارپوریٹ کرائم سرکل نے تحقیقات کا دائرہ وسیع اور مزید مقدمات درج کرنے کا فیصلہ کرلیا۔