انوشکا شرما اور ویرات کوہلی نے بیٹی کا نام بتا دیا

بالی ووڈ اداکارہ انوشکا شرما نے انسٹا گرام پر شوہر اور بیٹی کے ساتھ تصویر شیئر کی ۔ انہوں اپنے پیغام میں بتایا کہ کہ ہم دونوں زندگی میں محبت ، ایک دوسرے کی موجودگی اورشکرگزاری کے ساتھ زندگی بسرکررہے تھے لیکن ہماری چھوٹی سی بیٹی "وامیکا" نے ہمیں بالکل ایک نئی زندگی دے دی ہے۔

اداکارہ نے کہا کہ کبھی کبھی زندگی میں ہم آنسو، ہنسی، پریشانی، نعمتیں، جذبات، یہ سب کچھ چند منٹوں میں ہی محسوس کرلیتے ہیں۔اداکارہ نے ایک بارپھرمداحوں کا شکریہ ادا کرتے ہوئے کہا کہ ان کی دعاو¿ں اورنیک تمناؤ ں کا بے حد شکریہ۔

واضح رہے کہ گزشتہ ماہ بھارتی اداکارہ انوشکا شرما اور کرکٹر ویرات کوہلی کے گھر بیٹی کی پیدائش ہوئی تھی ، جس کے بعد ویرات کوہلی نے سوشل میڈیا پر مداحوں کو خوشخبری سناتے ہوئے کہا کہ ننھی پری اور انوشکا دونوں بالکل ٹھیک ہیں۔ویرات کوہلی نے کہا کہ مداحوں کو یہ خبر سناتے ہوئے بہت خوشی محسوس ہورہی ہے کہ آج دوپہر میں بیٹی کی پیدائش ہوئی ہے، تمام لوگوں کے پیار، دعائیں اور نیک خواہشات کا شکریہ ادا کرتا ہوں۔ انہوں نے کہا کہ ہم دونوں زندگی کے نئے باب کی شروعات پر بہت زیادہ خوش ہیں تاہم امید ہے کہ اس موقع پر ہماری پرائیویسی کا خیال رکھا جائے گا۔