پنجاب حکومت کا بسنت سے متعلق بڑا فیصلہ

تفصیلات کے مطابق وزیراعلیٰ پنجاب  سردار عثمان بزدار سے صوبائی وزیر قانون   راجہ بشارت نے لاہور میں ملاقات کی، ملاقات میں بسنت منانے کی محدود و مشروط اجازت دینے سے متعلق تجاویز پر  تبادلہ خیال ہوا، وزیراعلیٰ پنجاب نے پنجاب بھر میں بسنت منانے  پر مکمل پابندی عائد کر دی۔ وزیراعلی ٰٰ پنجا ب  نے کہاکہ  کسی کو بھی پنجاب میں پتنگ بازی کی اجازت نہیں  دی جائے گی اور  پتنگ بازی پر پابندی کے قانون پر عملدرآمد یقینی بنایا جائے۔وزیراعلی ٰ پنجاب نے   پتنگیں، ڈور بنانے، بیچنے اور پتنگ بازی کرنے والوں کے خلاف سخت کارروائی  کا حکم دیا۔

ذرائع کے مطابق  لاہور،فیصل آباد، گوجرانوالہ، راولپنڈی، ساہیوال میں فروری کے دوسرے ہفتے میں بسنت منانے سے متعلق تیاریوں کی رپورٹ تھی اورکچھ افراد فروری میں بسنت مناناچاہتے تھے ،  تاہم  وزیراعلیٰ پنجاب سردار عثمان بزدار نے تمام تجاویزاور سفارشات مسترد کردیں ۔

خیال رہے کہ پنجاب کے روایتی تہوار بسنت کو منانے پر گزشتہ 14 سال سے اعلانیہ پابندی عائد ہے۔ آخری مرتبہ بسنت کا تہوار 2007 میں منایا گیا تھا۔ بسنت فیسٹول  ہر سال  فروری کے دوسرے ہفتے   منایا جاتا تھا ۔