بھارتی ریاست اوڑیسہ کے ہسپتال میں آتشزدگی کے نتیجے میں10مریض جاں بحق

کٹک:بھارت کے ایک ہسپتال کے ٹراما کیئر یونٹ میں آتشزدگی کےنتیجے میں10 مریض جاں بحق ہوگئے۔ 

بھارتی میڈیا کے مطابق واقعہ ریاست اوڈیسہ کے شہر کٹک میںپیش آیا جہاں ایس سی بی میڈیکل کالج اور اسپتال کے ایمرجنسی ڈپارٹمنٹ کے اندر واقع ٹراما کیئر آئی سی یو میں رات دیر گئے آگ لگ گئی۔

رپورٹس کے مطابق اس واقعے میں دس مریضوں کی موت ہو گئی ہے، یہ سانحہ سوموار کی صبح تقریباً 2:30 بجے اسپتال کی پہلی منزل پر پیش آیا، جب اچانک آگ کے شعلے بھڑک اٹھے، جس سے پورے اسپتال کے احاطے میں افراتفری مچ گئی۔

اطلاع ملتے ہی ہسپتال کا فائر یونٹ جائے وقوع پر پہنچی اور فوری طور پر آگ پر قابو پانے کی کوششیں شروع کر دیں۔ بعد ازاں آگ بجھانے میں مدد کے لیے تین فائر ٹینڈرز بھی تعینات کیے گئے۔

رپورٹس کے مطابق جب واقعہ ہیش آیا تب اسپتال کے انتہائی نگہداشت یونٹ(آئی سی یو) میں 23 مریض زیر علاج تھے۔ 
حکام کا کہنا ہے کہ ابتدائی طور پر آگ لگنے کی وجہ شارٹ سرکٹ معلوم ہوتی ہے، تاہم واقعے کی مزید تحقیقات جاری ہیں۔