اداکارہ اریج چودھری نے ڈرامہ ’پل دو پل‘ میں  بہترین اداکارہ کا ایوارڈ حاصل کر لیا

ویب ڈیسک: پاکستان کی ابھرتی ہوئی اداکارہ اریج چودھری نے ڈرامہ پل دو پل میں  بہترین اداکارہ کا ایوارڈ حاصل کر لیا،، اریج چودھری نے لیڈ رول میں اپنی جاندار اداکاری سے خود کو بہترین ثابت  کرتے ہوئے نیشنل لیڈ ایوارڈ حاصل کیا۔

اس حوالے سے تقریب کا انعقاد کیا گیا جس میں شوبز شخصیات نے شرکت کی۔ مختلف کٹیگریز میں ایوارڈ دئیے گئے۔ اداکارہ اریج چودھری کی بات کی جائے تو وہ اس سے قبل بھی مختلف چینلز پر  ڈراموں میں دکھائی دیتی رہتی  ہیں۔ کبھی میں کبھی تم، شادی کارڈ ، جنو ن عشق،  ماہی اور دیگر شامل ہیں، جبکہ وہ چند فلموں میں بھی دکھائی دیں۔  

اس کے علاوہ انہوں نے ملکی و غیر ملکی مقابلہ حسن میں بھی کافی اعزازات اپنے نام کر رکھے ہیں۔
اریج چودھری اپنی خوب صورتی اور قاتلانہ اداوں کے باعث خبروں میں بھی رہتی ہیں ۔ انہیں بیرون ملک اور خصوصا ہمسایہ ملک بھی کئی آفرز آئی ہیں۔

اپنے ایک بیان میں اریج چودھری نے کہا کہ میں نے ہمیشہ میرٹ کو ترجیح دی ہے میں نے اپنے کام سے ہمیشہ انصاف کیا ہے کسی کو دیکھ کر اداکاری نہیں کرتی یہ ٹیلنٹ نیچرل ہے، مزید کہا دیکھا جائے تو پاکستان میں بہت ٹیلنٹ ہے لیکن مسئلہ یہ ہے انہیں آگے آنے کا موقع ہی نہیں ملتا۔

انہوں نے مزید کہا کہ مجھے بے شمار پراجیکٹس کی آفرز ہو رہی ہیں جس سے ثابت ہوتا ہے کہ میں اپنے کام سےمخلص ہوں، مجھے حاسدین سے کوئی فرق نہیں پڑتاصرف اپنے کام پر توجہ دیتی ہیں چاہنے والوں کا شکریہ جو مجھے ہمیشہ سپورٹ کرتے رہتے ہیں ان ہی کی دعاوں کی ضرورت رہتی ہے