منفی درجہ حرارت اورشدید برفباری کے باعث مانسہرہ؛ ناران ویلی سیاحوں کیلئےمکمل طور پر بند

مانسہرہ: مانسہرہ موسم کی شدت منفی درجہ حرارت اور برفباری کے باعث کاغان ناران  ویلی کو سیاحوں کے لیے مکمل طور پر بند کر دیا گیا۔ 

اس حوالے سے ڈپٹی کمشنر مانسہرہ میاں عادل بہزاد کی جانب سےنوٹیفکیشن جار ی کر دیا گیا ہے۔

 جاری کردہ نوٹیفکیشن کے مطابق مانسہرہ کاغان( پلدران سے بابوسر ٹاپ تک) روڈ  برفباری کے باعث ہر قسم کی ٹریفک کے لیے بندکر دیا گیا ہے۔

نوٹیفکیشن میں مسافروں سے گزارش کی گئی ہے کہ شمالی علاقوں کی طرف سفر کے لیے کے کے ایچ (قراقرم ہائی وے) استعمال کریں،تھانہ ناران سے پولیس نفری واپس بلا لی گئی،کاغان سے آگئے تمام پولیس چیک پوسٹیں بھی مکمل ختم کر دی گئی۔

نوٹیفکیشن میں مزید کہا گیا ہے کہ برف باری دیکھنے کے شوقین سیاح کاغان تک سفر کر سکے گئے،اب ائندہ سیزن کے آغاز پر ہی روڈ کو کھولا جائے گا۔