حکومت کا سیلاب متاثرین کو بجلی بلوں میں ریلیف دینے کا فیصلہ

وفاقی حکومت نے سیلاب متاثرہ علاقوں کے بجلی صارفین کو خصوصی ریلیف فراہم کرنے کا اعلان کر دیا ہے۔
وفاقی وزیر توانائی اویس لغاری نے لاہور میں لیسکو ہیڈکوارٹرز میں اجلاس سے خطاب کرتے ہوئے کہا کہ متاثرہ صارفین کے بجلی کے بلوں کی ادائیگی کی آخری تاریخ میں توسیع دی جائے گی، اور اگر حکومت جانب سے مالی معاونت کی منظوری دی گئی تو متاثرین کے بلوں کی مکمل معافی بھی ممکن ہے۔

انہوں نے کہا کہ سیلابی صورتحال کے باعث متعدد علاقوں میں بجلی کی فراہمی متاثر ہوئی ہے، تاہم جیسے ہی پانی کی سطح کم ہوگی، بحالی کا عمل تیزی سے مکمل کیا جائے گا۔

 بجلی صارفین کو دی جانے والی سہولیات:

• پاکستان کے 3.3 کروڑ بجلی صارفین میں سے 1.8 کروڑ افراد کو 70 فیصد سبسڈی فراہم کی جا رہی ہے۔

• سولر پینلز کی تنصیب سے کئی صارفین نے اپنے یونٹس 200 سے نیچے رکھے، جس سے بلوں میں کمی واقع ہوئی۔

• اویس لغاری کے مطابق حکومت کی کوششوں سے بجلی کے نرخوں میں نمایاں کمی آئی ہے۔

 دیگر اہم نکات:

• لیسکو ملازمین نے ایک دن کی تنخواہ وزیرِاعظم کے سیلاب فنڈ میں جمع کروائی۔

• حکومت واپڈا کی نجکاری کے عمل کو آگے بڑھا رہی ہے اور محکمے میں "رائٹ سائزنگ" کی پالیسی پر عمل کیا جا رہا ہے۔

• اویس لغاری نے دعویٰ کیا کہ موجودہ حکومت پر سیاسی بھرتیوں کا کوئی الزام نہیں لگ رہا، کیونکہ کمپنیوں کو خودمختار بنایا جا رہا ہے۔

• انہوں نے کہا کہ نیٹ میٹرنگ والے صارفین کے باعث 4 روپے فی یونٹ اضافی بوجھ عوام پر پڑتا ہے، جسے نظر انداز نہیں کیا جا سکتا، اور اس پر نئی پالیسی تشکیل دی جا رہی ہے۔