شائقین کرکٹ کے لیے بری خبر،اہم کھلاڑی کا ایشیا کپ سے باہر ہونے کا امکان

ویب ڈیسک: پاکستان کرکٹ ٹیم کے نائب کپتان شاداب خان کا انجری کے باعث ایشیا کپ 2025 میں شرکت نہ کرنے کا امکان ہے۔

کندھے کی انجری کا شکار  آل راؤنڈر شاداب  خان  نے جولائی میں برطانیہ میں اپنے کندھے کا آپریشن کرایا تھا، اسی وجہ سے بنگلادیش کے خلاف سیریز میں وہ شرکت نہیں کرسکے اور اب دورہ ویسٹ انڈیز میں بھی  ٹیم میں شامل نہیں ہیں۔

رپورٹ کے مطابق ایشیا کپ ٹی ٹوئنٹی 9 سے 28 ستمبر تک متحدہ عرب امارات میں ہوگا، جب کہ شاداب خان کو سرجری کے بعد مکمل صحت یابی کے لیے کم از کم 3 ماہ درکار ہیں۔

اس طرح شاداب  اکتوبر تک مکمل فٹ ہوں گے، جس کے باعث ان کا قومی اسکواڈ میں شامل نا ہونے کا امکان ہے۔

یاد رہے کہ پی سی بی کی جانب سے  قومی ٹیم کے نائب کپتان کی جگہ یا اس کسی متبادل کےحوالے سے  تاحال کوئی اعلان نہیں کیا گیا۔

 واضح رہے کہ ایشیا کپ میں پاکستان اپنا پہلا میچ 12 ستمبر کو عمان کے خلاف کھیلے گا جب کہ روایتی حریف بھارت کے ساتھ ٹاکرا 14 ستمبر کو دبئی میں شیڈول ہے۔