ڈھاکہ: سابق بنگلہ دیشی چیف جسٹس قتل کے مقدمے میں گرفتار

ڈھاکہ: بنگلا دیش کے سابق چیف جسٹس اے بی ایم خیرالحق کو  قتل کے مقدمے میں گرفتار کرلیا گیا۔

غیر ملکی میڈیا کےمطابق پولیس نے سابق چیف جسٹس کو ان کےگھر سےگرفتارکرنے کے بعد عدالت میں پیش کیا جس کے بعد ڈھاکا کی عدالت نے سابق چیف جسٹس خیرالحق کو جیل بھیجنے کا حکم دے دیا۔

رپورٹس کے مطابق سابق چیف جسٹس پر مقدمہ بنگلادیش نیشنل پارٹی (بی این پی )کے رہنما نے درج کرایا، اس مقدمے میں سابق چیف جسٹس خیرالحق اور سابق وزیراعظم شیخ حسینہ سمیت 465 افراد نامزد ہیں۔

خیال رہے کہ سابق جج خیرالحق گزشتہ سال طلبہ تحریک میں ایک نوجوان کے قتل میں مقدمے میں نامزد ہیں،اس کےعلاوہ ان کے خلاف بغاوت اور فراڈ سمیت 3 مقدمات درج  ہیں۔