افغان طالبان کی بلااشتعال جارحیت کے خلاف پاک فوج کی بھرپور جوابی کارروائیاں جاری

پاک افغان سرحد پر افغان طالبان اور فتنہ الخوارج کی بلااشتعال جارحیت کے خلاف پاک فوج کی بھرپور جوابی کارروائیاں جاری ہیں۔

سیکیورٹی ذرائع کے مطابق پاک فوج آپریشن ضرب اللحق کے تحت موثر اقدامات کررہی ہے ۔

ذرائع کا کہنا ہے کہ چمن سیکٹر میں افغان طالبان کی متعدد چوکیوں اور گاڑیوں کو درستگی کے ساتھ نشانہ بنا کر تباہ کر دیا گیا۔

پاک فوج کی موثر کارروائیوں کے نتیجے میں افغان طالبان اور فتنہ الخوارج کو پسپائی اختیار کرنا پڑی ہے۔

سیکیورٹی ذرائع کے مطابق سیکیورٹی فورسز کا دفاعِ وطن کے لیے غیر متزلزل عزم ملک کی علاقائی سالمیت کو یقینی بنا رہا ہے۔

انہوں نے واضح کیا کہ آپریشن ضرب اللحق تمام مقررہ اہداف کے حصول تک جاری رہے گا۔