ایف آئی اے کی جسٹس فائز عیسیٰ کے موبائل ہیکنگ کی تحقیقات شروع

تفصیلات کے مطابق  جسٹس قاضی فائز عیسٰی کے موبائل فون کی ہیکنگ کے  معاملے پر  فیڈرل انویسٹی گیشن ایجنسی (ایف آئی اے) نے جسٹس فائز عیسی کے موبائل ہیکنگ کی تحقیقات شروع کردی۔ایف آئی اے نے ڈی جی واجد ضیا کی ہدایت پر سائبر کرائمز ونگ کے سربراہ جعفرخان تحقیقات کی نگرانی کررہے ہیں۔

ایف آئی اے فرانزک ٹیم  کی طرف سے سپریم کورٹ آف پاکستان کا دورہ کیا گیا ، جسٹس قاضی فائز عیسیٰ فون کی ہیکنگ کی شکایت بھی ایف آئی اے کو جمع کراچکے ہیں، ایف آئی اے ٹیم جسٹس قاضی فائز عیسیٰ کے موبائل فون کا معائنہ بھی کرسکتی ہے۔

گزشتہ روز  سپریم کورٹ کی جانب سے جاری اعلامیے میں کہا گیا تھا کہ جسٹس قاضی فائز عیسیٰ کا موبائل فون ہیک کرلیا گیا  ہے، جسٹس قاضی فائز عیسیٰ کے موبائل فون سے گمراہ کن پیغام رسانی ہوسکتی ہے۔اس نمبر سے کوئی بھی میسج یا کال کی جائے تو اسے جعلی تصور کیا جائے۔