صارفین کیلئے اچھی خبر، واٹس ایپ نے شیڈولڈ میسج کا فیچر متعارف کرانے کا اعلان کر دیا

ویب ڈیسک : صارفین کیلئے اچھی خبر سامنے آئی ہے،دنیا کی سب سے زیادہ استعمال ہونے والی انسٹنٹ میسجنگ ایپلی کیشن واٹس ایپ آخرکار صارفین کے طویل انتظار کے بعد شیڈیولڈ میسجز کے فیچر پر کام کر رہی ہے۔

تفصیلات کے مطابق اس فیچر کی مدد سے صارفین اپنے پیغامات پہلے سے لکھ کر مقررہ تاریخ اور وقت پر خودکار طور پر بھیجنے کی سہولت حاصل کر سکیں گے۔

رپورٹس کے مطابق ابتدائی طور پر واٹس ایپ کی iOS بیٹا ورژن 26.7.10.72 میں نئے ریفرنسز اور شیڈیولڈ میسجز کا مینو شامل کیا گیا ہے، جو واضح طور پر بتاتا ہے کہ یہ فیچر اب ترقی کے آخری مراحل میں ہے اور جلد صارفین کے لیے دستیاب ہو سکتا ہے۔

شیڈیولڈ میسجز فیچر کیسے کام کرے گا؟

اس میں صارف اپنا پیغام پہلے سے لکھے گا۔پھر اس کے بعد تاریخ اور وقت منتخب کرے گا۔

جبکہ اگلے مرحلے میں واٹس ایپ اس پیغام کو مقررہ وقت پر خودکار طور پر بھیج دے گا، چاہے فون بند یا غیر فعال ہی کیوں نہ ہو۔

اس فیچر کے ذریعے صارفین سالگرہ کی مبارکباد، یاد دہانی، یا اہم ملاقاتوں کے پیغامات وقت پر بھیج سکتے ہیں، بغیر بار بار پیغام بھیجنے کی ضرورت کے۔ فی الحال یہ فیچر صرف ترقیاتی مرحلے میں ہے اور ابھی عوامی ریلیز کی تاریخ کا اعلان نہیں ہوا۔

جیسے ہی واٹس ایپ اس فیچر کی جانچ مکمل کرے گا، اسے پہلے چند منتخب بیٹا ٹیسٹرز کے لیے جاری کیا جائے گا تاکہ صارف تجربات اور تجاویز فراہم کریں۔ اس کے بعد یہ عام صارفین کے لیے دستیاب ہوگا۔