ایران اور امریکہ کے درمیان  مذکرات میں شرکت کیلئے پاکستان کو بھی دعوت موصول

اسلام آباد:ایران اور امریکا کے درمیان ترکیے میں ہونے والے مذاکرات میں پاکستان کو شرکت کی دعوت دے دی گئی ہے۔

تفصیلات کے مطابق دفتر خارجہ نے مذاکرات میں پاکستان کی دعوت کی تصدیق کرتے ہوئے کہا کہ جمعے کے روز استنبول میں ہونے والے ان مذاکرات میں امریکا نے پاکستان کو بھی شرکت کی دعوت دی ہے، جسے پاکستان نے قبول کیا ہے۔

پاکستان کے دفتر خارجہ نے میٹنگ میں باقاعدہ دعوت کی تصدیق کی اور کہا کہ مذاکرات کے ذریعے ایران اور امریکہ کے درمیان کشیدگی میں کمی لانے کی کوشش کی جائے گی۔

دفتر خارجہ کے مطابق پاکستان کو آئندہ مذاکرات کا دعوت نامہ موصول ہو گیا ہے، پاکستان کی شرکت کو کشیدگی کو کم کرنے کے لیے انتہائی اہم سمجھا جاتا ہے،پاکستان کی جانب سے نائب وزیراعظم اور وزیرخارجہ اسحاق ڈار نمائندگی کریں گے۔