وزیر دفاع سے ازبک سفیر کی ملاقات،دفاع سمیت باہمی مفاد کے شعبوں میں تعاون کا اعادہ

اسلام آباد:وزیر دفاع خواجہ محمد آصف سے جمہوریہ ازبکستان کے سفیر علی شیر تختائیو نے اسلام آباد میں ملاقات کی۔

معزز مہمان سے گفتگو کرتے ہوئے وزیر دفاع نے کہاکہ پاکستان ازبکستان کے ساتھ تاریخی،ثقافتی اور مذہبی مشترکہ اقدار پرمبنی تعلقات کو بہت اہمیت دیتاہے۔

انہوں نے کہا کہ پاکستان ازبکستان کے ساتھ دفاعی تعاون سمیت باہمی مفاد کے شعبوں میں تعاون کا ارادہ رکھتا ہے۔

دوسری جانب معزز مہمان نے دوطرفہ تعلقات کو مزید مضبوط بنانے کے لیے ازبکستان حکومت اور عوام کی طرف سے پاکستان کے ساتھ مل کر کام کرنے کے عزم کا اعادہ کیا۔