اولمپیئن ایتھلیٹ عبدالرشید دل کا دورہ پڑنے سے انتقال کر گئے

میاں چنوں: پاکستان کے اولمپیئن ایتھلیٹ عبدالرشید انتقال کرگئے۔

تفصیلات کے مطابق عبدالرشید کا انتقال میاں چنوں میں دل کا دورہ پڑنے سے ہوا۔

اہلِ خانہ اور قریبی رشتے داروں نے ان کے انتقال کی تصدیق کرتے ہوئے بتایا کہ وہ چند دنوں سے معمولی علالت کا شکار تھے، تاہم انہیں کسی شدید مسئلے کا سامنا نہیں تھا۔

خیال رہے کہ انہوں نے بیجنگ اولمپکس 2008 میں پاکستان کی نمائندگی کی تھی۔

علاوہ ازاں عبدالرشید نے سیف گیمز 2004 میں پاکستان کی جانب سے گولڈ میڈل جیتا تھا اور 110 میٹر ہرڈلز میں قومی چیمپئن بھی رہے۔