الیکشن کمیشن نے سینیٹ وقومی اسمبلی میں اپوزیشن لیڈر سمیت 9 ارکان اسمبلی کو نااہل قرار دے دیا

اسلام آباد: الیکشن کمیشن آف پاکستان (ای سی پی ) نے سینیٹ میں اپوزیشن لیڈر شبلی فراز اور قومی اسمبلی میں لیڈرآف دی اپوزیشن عمر ایوب سمیت 9 پی ٹی آئی ارکان اسمبلی کو نااہل قرار دے دیا۔

اس حوالے سے الیکشن کمیشن کی جانب سے ممبران اسمبلی کی نااہلی کا نوٹیفکیشن جاری کر دیا گیا ہے۔

الیکشن کمیشن کی جانب سے جاری کر دہ نوٹیفکیشن کے مطابق پی ٹی آئی ممبران اسمبلی کو 9 مئی مقدمات میں سزا یافتہ ہونے کی وجہ سے نااہل قرار دے گیا۔

نوٹیفکیشن کے مطابق ڈی سیٹ ہونے والوں میں قومی اسمبلی میں اپوزیشن لیڈر عمر ایوب،اپوزیشن لیڈر سینیٹ شبلی فراز، رکن قومی اسمبلی رائے حسن نواز ،زرتاج گل شا مل ہیں۔

اسکے علاوہ سربراہ سنی اتحاد کونسل صاحبزاہ حامد رضا بھی نااہل ہونے والوںمیں شامل ہیں۔

اس کے علاوہ پنجاب اسمبلی سے ایم پی اے  انصر اقبال،جنیدافضل ساہی ،رائے مرتضی اقبال کو بھی نااہل قرار دے دیا گیا ہے۔