امیناب میں ایرانی پرائمری سکول پر حملے کے ہم ہی ذمہ دار ہیں، امریکی جنرل کا اعتراف

واشنگٹن ڈی سی: امریکی خفیہ ایجنسی سی آئی اے کے سابق ڈائریکٹر اور یو ایس سینٹرل کمانڈ کے کمانڈر جنرل ڈیوڈ پیٹریاس نے ایران کے جنوبی علاقے میں ایک سکول پر حملے کے حوالے سے کہا ہے کہ ممکنہ طور پر اس حملے میں امریکہ کا کردار ہو سکتا ہے۔

تفصیلات کے ،طابق برطانوی نشریاتی ادارے (بی بی سی )کو جنرل پیٹریاس نے بتایا کہ اگرچہ انہوں نے براہِ راست شواہد نہیں دیکھے لیکن ان کے خیال میں افسوسناک طور پر شاید ہم ہی ذمہ دار تھے، کیونکہ اس جنگی مشق میں ٹوماہاک میزائل صرف ہمارے پاس تھے۔

جنرل ڈیوڈ پیٹریاس نے مزید کہا کہ یہ عمارت برسوں پہلے ایرانی بحریہ کے ایک بڑے کمپاؤنڈ کا حصہ تھی تو اب ایسا لگ رہا ہے کہ اس وقت کا کچھ پرانا ڈیٹا استعمال ہوگیا ہے۔

یاد رہے کہ ایرانی حکام نے اس حملے کا الزام امریکا اور اسرائیل پر عائد کیا تھا تاہم دونوں ممالک نے تاحال اس کی ذمہ داری قبول نہیں کی بلکہ ٹرمپ نے الٹا ایران پر الزام لگا دیا۔

خیال رہے کہ حالیہ جنگ کے پہلے دن امیناب میں اس سکول پر ہونے والے حملے میں 168 افراد شہید ہوئے، جن میں زیادہ تر تعداد کم عمر بچیوں کی تھی، پہلے پہل تو امریکہ نے اس حملے سے انکار کیا تھا تاہم بعدا زاں ایرانی میڈیا نے فوٹیجز جاری کی تھیںجس میں ایک امریکی ٹام ہاک کروز میزائل کو اسکول پر گرتے ہوئے دکھایا گیا تھا۔