آبنائے ہُرمز میں بحری مشقوں کے بعد ایران کا جنوبی علاقوںمیں راکٹ لانچ کرنےکا منصوبہ، نوٹم جاری

تہران:ایران نےآبنائے ہُرمز میں بحری مشقوں کے بعد اپنے جنوبی علاقوں میں راکٹ لانچز کے منصوبے کے پیش نظر نوٹم جاری کر دیا۔

غیر ملکی خبر رساں ادارے کےمطابق جاری کردہ نوٹم میں پائلٹس، فلائٹ عملے اور فضائی حدود استعمال کرنے والے دیگر افراد کو حفاظتی اقدامات اختیار کرنے اور  متعلقہ علاقوں میں محتاط رہنے کی ہدایت کی گئی ہے۔

دوسری جانب اسرائیل میں بھی سیکیورٹی ہائی الرٹ ہے اور اسرائیلی میڈیا کے مطابق شہریوں کو بنکرز کے قریب رہنے کی ہدایت کی گئی ہے۔

خیال رہے کہ ایران کی جانب سے یہ اقدام ایسے وقت سامنے آیا ہے جب خطے میں کشیدگی برقرار ہے،رپورٹس کے مطابق ایران نے رواں ہفتے آبنائے ہرمز میں بحری مشقیں بھی کیں، مزید برآں ایران اور روس کے درمیان جمعرات سے مشترکہ بحری مشقوں کا منصوبہ بھی بتایا جا رہا ہے، جنہیں علاقائی صورتحال کے تناظر میں اہم قرار دیا جا رہا ہے۔