انگلینڈ کےمایہ ناز آل راؤنڈر کرس ووکس نے انٹرنیشنل کرکٹ کو الوداع کہہ دیا

ویلز: نامور انگلش آل راؤنڈر کرس ووکس نے بین الاقوامی کرکٹ سے ریٹائرمنٹ کا اعلان کر دیا ہے۔

تفصیلات کے مطابق اپنے 14 سالہ کیرئیر کے دوران کر س ووکس نے انگلینڈ کی جانب سے 62 ٹیسٹ، 122 ون ڈے اور 33 ٹی20 انٹرنیشنل میچز میں نمائندگی کی، جن میں انہوں نے مجموعی طور پر 396 وکٹیں حاصل کیں اور ہزاروں رنز بھی اسکور کیے۔

ان کی بہترین ٹیسٹ بولنگ پرفارمنس 6/17 رہی جبکہ 2019 کے ورلڈ کپ اور 2022 کے ٹی20 ورلڈ کپ جیتنے والی انگلش ٹیموں کا بھی وہ اہم حصہ رہے۔

تاہم کندھے کی انجری اور حالیہ سینٹرل کنٹریکٹ کی عدم تجدید کے بعد ووکس نے بین الاقوامی کرکٹ کو خیرباد کہنے کا فیصلہ کیا۔

اس حوالے سے جاری کر دہ بیان میں انہوں نے انگلینڈ کی نمائندگی کو “زندگی کا سب سے بڑا اعزاز” قرار دیا۔ انگلش کرکٹ بورڈ، کھلاڑیوں اور شائقین کی جانب سے ان کی خدمات کو زبردست خراج تحسین پیش کیا جا رہا ہے۔