سابق چیف جسٹس لاہور ہائیکورٹ جسٹس (ر) میاں اللہ نواز انتقال کر گئے

سابق چیف جسٹس لاہور ہائیکورٹ جسٹس (ر) میاں اللہ نواز 87 برس کی عمر میں انتقال کر گئے۔

جسٹس (ر) میاں اللہ نواز 1988 میں لاہور ہائیکورٹ کے جج بنے اور انہیں 2000 میں چیف جسٹس لاہور ہائیکورٹ مقرر کیا گیا۔

جسٹس (ر) میاں اللہ نواز نے 1988 میں لاہور ہائیکورٹ کے جج کے طور پر ذمہ داریاں سنبھالیں۔ اپنی پیشہ ورانہ قابلیت اور عدالتی خدمات کے اعتراف میں انہیں سال 2000 میں چیف جسٹس لاہور ہائیکورٹ کے عہدے پر فائز کیا گیا۔

انہوں نے 7 فروری 2000 سے 17 جولائی 2000 تک لاہور ہائیکورٹ کے چیف جسٹس کے طور پر خدمات سر انجام دیں اور5 ماہ اس عہدے پر فائز رہنے کے بعد ریٹائر ہوگئے۔

ان کے انتقال پر عدالتی، سیاسی و سماجی حلقوںکی طرف سے اظہار تعزیت اور خراجِ عقیدت پیش کیا گیا ہے۔ پاکستان کی عدالتی تاریخ میں ان کا نام اور وقار فرض شناسی کی علامت رہے گا۔