یونیورسٹی آف مینجمنٹ اینڈ ٹیکنالوجی کے طلبہ کا لاہور گیریژن کا تعلیمی اور معلوماتی دورہ 

لاہور:یونیورسٹی آف مینجمنٹ اینڈ ٹیکنالوجی (یو ایم ٹی )کے طلبہ نے لاہور گیریژن کا تعلیمی اور معلوماتی دورہ کیا جس میں انہوں نے آرمی میوزیم اور جناح ہاؤس کابھی وزٹ کیا۔

اس موقع پر طلبہ نے یونٹ میں فوجی ہتھیاروں اور دیگر جنگی سازوسامان کا مشاہدہ کیا جس سے انہیں افواج پاکستان کی پیشہ ورانہ صلاحیتوں کا اندازہ ہوا۔

 جی سی او لاہور میجر جنرل راؤ عمران سرتاج نے طلبہ کے ساتھ خصوصی نشست بھی کی جس میں انہوں نے طلبہ کے سوالوں کے مؤثر طریقے سے جوابات دیے۔

طلبہ نے اس بارے میں رائے دیتے ہوئے کہا کہ عوام اور فوج کے درمیان فاصلے کاتاثر غلط ہے۔فوج کے لوگ ہم سے ہیں اور ہمارا حصہ ہیں۔

طلبہ کامزید کہنا تھا کہ جی سی او نے ان کےسوالوں کے تسلی بخش جواب دیے انھیں فوج کے بارے میں جاننے کا موقع ملا ، یہ سیشن انتہائی کا میاب رہاہمیں آزادی کے ہیروز کے بارے میں جاننے کا موقع ملا اور یہ بھی سیکھا کہ ہمارا وطن کن مشکل حالات میں حاصل کیا گیا۔

طالب علموں نے کہا کہ آج کا سیشن انتہائی موثر اوریادگاررہا انہیں بہت کچھ سیکھنے کا موقع ملاسیشن کے لیے پاک فوج کے شکرگزار ہیں اور دعا گو ہیں کہ ہمارا  پیارا وطن تا قیامت سلامت رہے۔