بھارت عالمی دہشتگردی کا سرغنہ بن چکا، بلوچستان میں مداخلت کے ثبوت واضح ہیں: ترجمان دفتر خارجہ
ہفتہ وار پریس بریفنگ میں گفتگو کرتے ہوئے ترجمان کا کہنا تھا کہ پاکستان دہشتگردی کے معاملے پر بالکل واضح مؤقف رکھتا ہے


اسلام آباد: ترجمان دفتر خارجہ شفقت علی خان نے بھارت پر عالمی سطح پر دہشتگردی پھیلانے اور پاکستان، بالخصوص بلوچستان میں براہِ راست مداخلت کا الزام عائد کرتے ہوئے کہا ہے کہ بھارت کا دہشتگرد نیٹ ورک پوری دنیا میں متحرک ہے، اور پاکستان اس معاملے کو ہر عالمی فورم پر اجاگر کر رہا ہے۔
ہفتہ وار پریس بریفنگ میں گفتگو کرتے ہوئے ترجمان کا کہنا تھا کہ پاکستان دہشتگردی کے معاملے پر بالکل واضح مؤقف رکھتا ہے۔ بلوچستان میں بھارتی مداخلت کے ناقابلِ تردید شواہد موجود ہیں اور بھارت کی پراکسی تنظیمیں پاکستان میں دہشتگرد کارروائیوں میں ملوث ہیں۔
انہوں نے افغانستان کی صورتحال پر بات کرتے ہوئے کہا کہ وہاں دہشتگردوں کی محفوظ پناہ گاہیں اب بھی ایک بڑا چیلنج ہیں۔ پاکستان اس سلسلے میں افغان حکومت کے ساتھ مسلسل رابطے میں ہے اور امید ہے کہ کابل حکومت اس خطرے سے نمٹنے کے لیے سنجیدہ کوشش کرے گی۔
ترجمان نے ماضی کی پالیسیوں پر بات کرتے ہوئے کہا کہ 1980 کی دہائی میں کیا فیصلے ہوئے، یہ اس وقت کے ذمہ داران ہی وضاحت کر سکتے ہیں، تاہم اب وقت ہے کہ ماضی کی قید سے نکل کر مستقبل کی جانب دیکھا جائے۔
کشمیر کے مسئلے پر شفقت علی خان نے کہا کہ مقبوضہ کشمیر میں انسانی حقوق کی خلاف ورزیاں دہائیوں سے جاری ہیں اور افسوسناک حقیقت یہ ہے کہ آج بھی کشمیریوں کی مشکلات میں کوئی کمی نہیں آئی۔ ایک کشمیری نوجوان کی تذلیل کے واقعے پر پاکستان کا مؤقف واضح ہے۔
بلاول بھٹو کے حالیہ بیان سے متعلق پوچھے گئے سوال پر ترجمان نے کہا کہ اس کی وضاحت پیپلز پارٹی ہی کر سکتی ہے، تاہم یہ واضح ہے کہ بلاول بھٹو نے کسی بھی رہنما کو بھارت کے حوالے کرنے کی بات نہیں کی۔ بھارتی مشیر قومی سلامتی کا بیان حقائق کو مسخ کرنے کی کوشش اور بھارت کے جارحانہ عزائم کا عکاس ہے۔
ایس سی او اجلاس کے ضمن میں اسحاق ڈار کی بھارتی حکام سے ممکنہ ملاقات کے حوالے سے ترجمان کا کہنا تھا کہ بھارتی رہنماؤں سے ملاقات کا کوئی ارادہ نہیں، البتہ دیگر ممالک کے قائدین سے ملاقاتیں شیڈول کی جا رہی ہیں۔ انہوں نے سندھ طاس معاہدے کو 25 کروڑ افراد کے پانی سے جڑے حقِ حیات کا مسئلہ قرار دیا۔
شفقت علی خان نے مزید کہا کہ چین پاکستان کا قریبی اور قابلِ اعتماد دوست ہے، اور تائیوان کے معاملے پر پاکستان کی پالیسی میں کوئی تبدیلی نہیں آئی۔ انہوں نے بتایا کہ پاکستان برکس ممالک کی تنظیم میں شمولیت کا خواہشمند ہے، تاہم چونکہ پاکستان ابھی رکن نہیں ہے، اس لیے اس بارے میں مزید تبصرہ نہیں کیا جا سکتا۔
ماحولیاتی مسائل پر بات کرتے ہوئے ترجمان نے کہا کہ پاکستان ان ممالک میں شامل ہے جو ماحولیاتی آلودگی سے شدید متاثر ہوئے ہیں، حالانکہ اس میں ہمارا کردار دیگر صنعتی ممالک کے مقابلے میں انتہائی محدود ہے۔
انہوں نے کہا کہ پاکستان اسٹیل ملز دراصل سوویت یونین کا ایک تحفہ تھی، اور حکومت اس کی بحالی کے لیے سنجیدہ کوششیں کر رہی ہے۔ ترجمان نے یہ بھی بتایا کہ امریکا میں سینیئر حکام سے تجارتی معاہدوں کے لیے بات چیت جاری ہے۔

اسحاق ڈار کی کمبوڈیائی وزیر خارجہ سے ملاقات ، تجارتی اور دوطرفہ تعلقات بڑھانے پر اتفاق
- 14 hours ago

چیف جسٹس کی سربراہی میں قومی عدالتی پالیسی ساز کمیٹی کا لاپتہ افراد کے معاملے پر تشویش کا اظہار
- 11 hours ago

ایم کیو ایم کے بانی الطاف حسین شدید بیمار ہونے پر اسپتال داخل
- 16 hours ago

پشاور:اسمبلی میں جس دن ایک بھی رکن زیادہ ہوتحریک ا عدم اعتماد آسکتی ہے، فیصل کریم کنڈی
- 16 hours ago

خضدار: سارونہ ندی میں ڈوب کر3افراد جاں بحق
- 16 hours ago

سانحہ سوات : انکوائری رپورٹ میں ضلعی انتظامیہ، محکمہ آبپاشی، بلدیات اور ریسکیو ذمہ دار قرار
- 14 hours ago

ایف آئی اے کی کارروائی،افغان شہریوں کو غیر قانونی ویزہ دینے والے دو اہلکار گرفتار
- 12 hours ago

نئے مالی سال 25-2024 کے دوران پاکستان ریلوے کی آمدن میں تاریخی اضافہ
- 16 hours ago

پاک بحریہ کی تقریب تقسیم اعزازات،ایڈمرل نوید اشرف کی خصوصی شرکت
- 12 hours ago

اٹلی نے پہلی بار آئی سی سی ٹی 20 ورلڈ کپ کے لیے کوالیفائی کر لیا
- 11 hours ago

پاکستان ہاکی ٹیم میں بھارت میں ہونے والے ایشیا کپ میں شرکت نہیں کرے گی،حکومتی ذرائع
- 14 hours ago

صارفین کے لیے بڑی خبر: یوٹیوب کا پارٹنر پروگرام مونیٹائزیشن پالیسی میں تبدیلی کا اعلان
- 17 hours ago