ایک روز سستا ہونے کے بعد سونا آج پھر مہنگا، فی تولہ کتنے کا ہو گیا؟

کراچی: ایک روز کی کمی کے بعد عالمی و مقامی مارکیٹوں میں سونا آج پھر مہنگا ہو گیا۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میںسونے کی قیمت میں 1300 روپے تولہ کا اضافہ  ہوا ہے جس کے بعد نئی قیمت 4 لاکھ 76 ہزار 162 روپے ہو گئی ہے۔

ایسوسی ایشن کے مطابق اسی طرح 10 گرام سونے کے نرخ میں 1115 روپے کا اضافہ ہونے سے نئے نرخ 4 لاکھ 8 ہزار 232 روپے تک پہنچ گئے ہیں۔

علاوہ ازاں ملک میں چاندی کی قیمت میں کمی ریکارڈ کی گئی ، چاندی 21 روپے سستی ہونے سے فی تولہ قیمت 8 ہزار 13 روپے پر آگئی ہے۔

دوسری جانب عالمی بلین مارکیٹ میں بھی سونے کی قیمت میں اضافہ ہو گیا، فی اونس سونا 13 ڈالر مہنگا ہوکر 4 ہزار 538 ڈالر کی سطح پر پہنچ گیا۔