عالمی و مقامی مارکیٹوں میں سونا مزید سستا، فی تولہ قیمت کیا ہو گئی؟

کراچی: عالمی و مقامی مارکیٹوںمیں سونے کی قیمتوں میں نمایاں کمی ریکارڈ کی گئی ہے۔

آل پاکستان جیمز اینڈ جیولرز ایسوسی ایشن کے مطابق آج ہفتے کے روز مقامی مارکیٹوں میں 24 گرام فی تولہ سونے کی قیمت میں 2200 روپے کی گراوٹ آئی، جس کے ساتھ ہی نئی قیمت 4 لاکھ 73 ہزار 162 روپے کی سطح پر آ گئی۔

ایسوسی ایشن کے مطابق اسی طرح فی 10 گرام سونے کی قیمت میں 1886 روپے کی کمی کے بعد نئی قیمت 4 لاکھ 5 ہزار 660 روپے ہوگئی۔

سونے کی قیمتوں میں کمی کے برعکس عالمی مارکیٹ میں چاندی 75 ڈالر 50 سینٹس پر برقرار  رہی، جس کے بعد ملک میں بھی فی تولہ چاندی کی قیمت بغیر کسی رد و بدل کے 8 ہزار 34 روپے پر مستحکم ہے جب کہ فی 10 گرام چاندی کے نرخ بھی بغیر کسی تبدیلی کے 6 ہزار 887 روپے پر برقرار رہے

دوسری جانب عالمی  بلین مارکیٹ میں آج ہفتے کے روز فی اونس سونے کی قیمت میں 22 ڈالر کی کمی ہوئی، جس کے نتیجے میں نئی عالمی قیمت 4 ہزار 508 ڈالر کی سطح پر آ گئی۔