ٹرمپ کا پاکستان کی درخواست پر فوجی آپریشن ’’پروجیکٹ فریڈم‘‘ کو عارضی طور پرروکنے کا اعلان 

واشنگٹن ڈی سی:پاکستان کی شاندارسفارتی کامیابیوں کا سلسلہ جاری ہے ۔امریکی صدر نے پاکستان کی درخواست پرآبنائے ہرمز میں فوجی آپریشن ’’پروجیکٹ فریڈم‘‘ کو عارضی طور پرروکنے کا اعلان کر دیا ہے۔

تفصیلات کے مطابق امریکی صدر ٹرمپ نے ٹروتھ سوشل پر اپنے بیان میں کہا کہ پاکستان اور دیگر ملکوں کی درخواست اور ایران کے نمائندوں کے ساتھ حتمی معاہدے کے لیے بڑی پیش رفت کے پیش نظر’پروجیکٹ فریڈم‘ کو عارضی طور پر روک رہے ہیں ،جاری بیان میں انہوں نے کہا کہ امریکہ اور ایران نے دوطرفہ طور پر اس پر اتفاق کیا ہے۔

صدرٹرمپ نے کہاکہ امریکہ پروجیکٹ فریڈم مختصر مدت کے لیے روک ر ہا ہے اور اس دوران امریکہ دیکھے گا کہ ایران کے ساتھ کوئی معاہدہ حتمی شکل اختیار کرتا ہے یا نہیں ۔

امریکی صدر نے کہاکہ اس دوران آبنائے ہرمز میں ناکہ بندی مکمل طور پر نافذ العمل رہے گی۔