شائقینِ کرکٹ کو پی ایس ایل کے پلے آف میچز اسٹیڈیم میں دیکھنے کی اجازت مل گئی

لاہور:شائقینِ کرکٹ کیلئے اچھی خبر سامنے آئی ہے، وزیر اعظم شہباز شریف نے پاکستان سپر لیگ (پی ایس ایل )کے پلے آف میچز اسٹیڈیم میں دیکھنے کی اجازت دے دی۔

تفصیلات کے مطابق وزیر اعظم شہباز شریف سے چیئرمین پاکستان کرکٹ بورڈ (پی سی بی) محسن نقوی نے ملاقات کی۔ جس میں پاکستان سپر لیگ کے پلے آف میچز سے متعلق اہم فیصلے کیے گئے۔

ملاقات کے دوران شائقین کو پی ایس ایل کے پلے آف میچز اسٹیڈیم میں دیکھنے کی باضابطہ اجازت دے دی گئی۔

انہوں نے بتایا کہ ملکی کفایت شعاری مہم کے پیش نظر شائقین کے لیے ایک اہم شرط عائد کی گئی ہے، جس کے تحت میچ دیکھنے کے لیے آنے والے افراد کو پبلک ٹرانسپورٹ استعمال کرنے کی ترغیب دی گئی ہے۔

وزیر داخلہ نے کہا کہ ایندھن کی بچت کے لیے شائقین حتیٰ الامکان ذاتی گاڑیوں کے استعمال سے گریز کریں، پی ایس ایل کے بقیہ میچوں کے لیے سیکیورٹی اور دیگر انتظامات کو حتمی شکل دے دی گئی ہے۔

چیئرمین پی سی بی محسن نقوی کے مطابق وزیر اعظم شہباز شریف نے پلے آف میں شریک ٹیموں کے لیے نیک خواہشات کا اظہار کیا اور شاندار و سنسنی خیز کرکٹ کی توقع ظاہر کی۔