استنبول: اسرائیلی قونصل خانے کے قریب فائرنگ سے تین افراد اجاں بحق، دو اہلکار زخمی 

استنبول:ترکیہ کے شہراستنبول میں اسرائیلی قونصل خانے کے قریب فائرنگ کے واقعے میں تین افراد ہلاک جبکہ دو پولیس اہلکار زخمی ہو گئے۔

غیر ملکی خبر رساں ایجنسی رائٹرز کے مطابق استنبول میں اسرائیلی قونصل خانے کے قریب فائرنگ کے واقعے میں دو پولیس اہلکار بھی زخمی ہو گئے۔

رپورٹس کے مطابق اس حوالے سے استنبول کے گورنر نے کہا کہ حملہ آوروں نے حملے میں رائفلز اور بندوق کا استعمال کیا۔

رائٹرز کے مطابق اس وقت ترکیہ میں کوئی اسرائیلی سفارت کار تعینات نہیں ، حملے کے وقت قونصل خانے میں عملہ موجود نہیں تھا،جبکہ پولیس حکام نے واقعے کے بعد علاقے کو گھیرے میں لے کر سیکیورٹی سخت کر دی گئی جبکہ حکام نے تحقیقات شروع کر دیں۔

دوسری جانب ترک وزیر انصاف نے کہا ہے کہ واقعے کی تحقیقات کیلئے تین پراسیکیوٹرز مقرر کر دیئے گئے ہیںاور ذمہ داران کو انصاف کے کہٹرے میں لایا جائے گا۔