ایک دن کی کمی کے بعد سونا پھر ہزاروں روپے مہنگا، فی تولہ کتنے کا ہو گیا؟

کراچی: عالمی و مقامی مارکیٹوں میں ایک دن کی کمی کے بعد سونے کی قیمتوں نمایاں اضافہ ریکارڈ کیا گیا ہے۔

آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونے کی قیمت میں 3ہزار 400 روپے کا اضافہ ہوا ہے جس کے بعد فی تولہ سونے کی قیمت 4لاکھ 90ہزار 362 روپے ہوگئی ہے۔

ایسوسی ایشن کے مطابق اسی طرح  10گرام سونے کا بھاؤ 2ہزار 915 روپے اضافے سے 4لاکھ 20ہزار 406 روپے ہوگیا ہے۔

دوسری جانب عالمی بلین مارکیٹ میں سونا 34 ڈالر مہنگاہوکر 4676 ڈالر فی اونس پر پہنچ گیاہے۔

خیال رہے کہ گزشتہ روز سونے کی فی تولہ قیمت میں 7100 روپے کی کمی ہوئی تھی،جبکہ مقامی صرافہ مارکیٹ میں ایک تولہ سونا 7100 روپے سستاہونےکے بعدفی تولہ نئی قیمت 4 لاکھ 86 ہزار 962 روپے ہوگئی تھی۔