کاروباری ہفتے کے آخری روز سونے کی قیمتوں میں نمایاں کمی ، فی تولہ کتنے کا ہو گیا؟

کراچی: کاروباری ہفتے کے آخری روز عالمی و مقامی مارکیٹوں میں سونے کی قیمتوں نے میں نمایاں کمی ریکارڈ کی گئی ہے ۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز ملک میں فی تولہ سونے کی قیمت میں ایک ہزار روپے کمی ہوئی ہے، جس کے بعد نئی قیمت 4 لاکھ 67 ہزار 262 روپے ہو گئی ہے۔

ایسوسی ایشن کے مطابق اسی طرح 10 گرام سونے کی قیمت میں 858 روپے کی کمی ہوئی ہے، جس کے بعد 10 گرام سونا 4 لاکھ 601 روپے کا ہو گیا ہے۔

علاوہ ازاںفی تولہ چاندی 30 روپے کمی کے ساتھ 7454 روپے پر آگئی ہے۔

دوسری جانب عالمی بلین مارکیٹ میں بھی سونے کی قیمت میں کمی دیکھی گئی ہے، جہاں فی اونس سونا 10 ڈالر سستا ہو کر 4445 ڈالر پر آ گیا ہے۔

معاشی ماہرین کا کہنا ہے کہ عالمی سطح پر قیمتوں میں کمی کے اثرات مقامی مارکیٹ پر بھی مرتب ہو رہے ہیں، جس کے باعث سونے کی قیمتوں میں اتار چڑھاؤ جاری ہے۔

خیال رہے کہ گزشتہ روز بھی عالمی اور مقامی مارکیٹ میں سونے کی قیمت میں بڑی کمی ہوئی تھی،عالمی مارکیٹ میں سونا 110 ڈالرسستا ہوکر 4455 ڈالر فی اونس تک گرگیاتھاجبکہ مقامی صرافہ مارکیٹ میں ایک تولہ سونا 11 ہزار روپے سستاہونے کے بعد4 لاکھ 68 ہزار 262 روپے کاہوگیاتھا۔