ایک تولہ سونے کی قیمت میں ہزاروں روپے کا اضافہ

عالمی و مقامی مارکیٹوں میں بدھ کو بھی سونے کی قیمتوں میں بڑا اضافہ ریکارڈ کیا گیا۔

عالمی بلین مارکیٹ میں سونا 148 ڈالر کے نمایاں اضافے سے ایک بار پھر 5 ہزار کی سطح کراس کرکے 5 ہزار 64 ڈالر فی اونس کا ہوگیا۔

بین الاقوامی مارکیٹ میں سونے کے نرخ میں نمایاں اضافے کے باعث مقامی سطح پر بھی فی تولہ سونا یکمشت 14 ہزار 800 روپے کے بڑے اضافے سے 5 لاکھ 29 ہزار 162 روپے پر جاپہنچا۔

اسی طرح دس گرام سونے کی قیمت بھی 12 ہزار 689 روپے کے بھاری اضافے سے 4 لاکھ 53 ہزار671 روپے ہوگئی۔

یاد رہے کہ منگل کو سونے کی فی تولہ قیمت 24 ہزار روپے کے روپے تاریخی اضافے سے 5 لاکھ 14 ہزار 362 روپے ہوگئی تھی۔