مسلسل اضافے کے بعدسونے کی قیمت میں نمایاں کمی،فی تولہ کتنے کا ہو گیا؟

کراچی: مسلسل اضافے کے بعد عالمی و مقامی مارکیٹوں میں سونے کی قیمتوں میں نمایاں کمی ہو گئی۔
آل پاکستان جیمز اینڈ جیولرز ایسوسی ایشن کے مطابق کاروباری ہفتے کے آخری روز ملک میں سونے کی فی تولہ قیمت میں 1300 روپےکی کمی ریکارڈ کی گئی جس کے بعد ملک میں 24 گرام سونے کی قیمت 3 لاکھ 44 ہزار 500 روپے ہو گئی ہے۔
اسی طرح 10 گرام سونے کی قیمت بھی 1114 روپےکی کمی ریکارڈ کی گئی جس کے بعد ملک میں دس گرام سونے کی نئی قیمت 2 لاکھ 95 ہزار  353 روپے ہو گئی ہے ۔
دوسری جانب عالمی بلین مارکیٹ میں سونے کی فی اونس قیمت میں 13 ڈالرکی کمی ریکارڈ کی گئی جس کے بعد عالمی مارکیٹ میں سونے کی قیمت 3263 ڈالر فی اونس ہو گئی ہے۔