مریم نواز کی ٹرانسپورٹ اور گڈز کرایوں میں کمی کیلئے متعلقہ محکموں کو فوری اقدامات کی ہدایت

لاہور:وزیراعلیٰ پنجاب مریم نوازنے پیٹرولیم مصنوعات کی قیمتوں میں کمی کےاعلان کاخیرمقدم کرتے ہوئے صوبہ بھر میں ٹرانسپورٹ اور گڈز کرایوں میں کمی کے لیے فوری اقدامات کی ہدایت کردی۔

تفصیلات کے مطابق وزیراعلیٰ پنجاب نےمشکل صورتحال میں بھرپورساتھ دینے پر عوام کا شکریہ ادا کیا،انہوں نےپیٹرولیم مصنوعات کےنرخ میں کمی پروزیراعظم اوران کی ٹیم کو سراہا۔

بیان میں مریم نواز کا کہنا تھا کہ وزیراعظم نےعلاقائی صورتحال میں بہتری آنےپرپیٹرولیم مصنوعات کےنرخ میں کمی کاوعدہ پورا کیا،علاقائی صورتحال میں قوم کوانرجی بحران سےبچانا وزیراعظم کاتاریخی کارنامہ ہے۔

انہوں نے مزید کہا کہ وزیراعظم شہبازشریف اورفیلڈ مارشل عاصم منیرنےدنیا کوانرجی اورمعاشی بحران سےبچایا،پیٹرولیم مصنوعات کےنرخ میں کمی کابھرپورفائدہ عوام کوہر صورت پہنچنا چاہیے۔ان کا کہنا تھا کہ پیٹرولیم مصنوعات کےنرخ میں کمی کےپیش نظراشیائےخوردونوش کےنرخ بھی نیچےآنےچاہئیں۔