نئے اداکاروں کو پروڈیوسرز کیلئے آسانیاں پیدا کرنی چاہییں، اداکارہ بابرہ شریف 

لاہور:( عبدالسلام علی ) ماضی کی معروف اداکارہ لیجنڈ بابرہ شریف نے کہا ہے کہ فلم انڈسٹری  ابھی بحال نہیں ہوئی بس کوششیں جاری  ہیں اگر کوششیں جاری رہیں تو سنہرا دور واپس آ سکتا ہے.

تفصیلات کے مطابق اداکار غلام محی الدین کی فلم ’’ریڈ لائن ‘‘ کی اوپننگ تقریب لاہور میں منعقد ہوئی جہاں بابرہ شریف بطور مہمان خصوصی شریک ہوئیں،، اس موقع پرخطاب کرتے ہوئے ان کا کہنا تھا کہ ماضی میں فلموں کی کامیابی کا راز صرف کام سے مخلص ہونا تھا، اس دور  کے رائٹرز ، پروڈیوسرز اور خصوصا اداکار کام سے بے حد مخلص تھے، کم معاوضے پر بھی کام کیلئے راضی ہو جاتے تھے۔

ان کا مزید کہنا تھا کہ  آج کل کے فنکار وں کو بھی چاہیے کہ وہ پروڈیوسرز کی مجبوریوں کو سمجھیں اور اسکے مطابق کام کریں تاکہ انڈسٹری کا فائدہ ہو۔

واضح رہے فلم ریڈ لائن کے پروڈیوسر ، ڈائریکٹر خود غلام محی الدین ہیں،، منعقد تقریب میں بابرہ شریف نے طویل عرصہ بعد کسی ایونٹ میں شرکت کی جہاں وہ توجہ  کا مرکز بنی رہیں