کاروباری ہفتے کے پہلے روز سونا اچانک ہزاروں روپے سستا، فی تولہ کتنے کا ہو گیا؟

کراچی:عالمی و مقامی مارکیٹوں میں سونے کی قیمت میں اضافے کے بعد کمی شروع ہوگئی۔

آل پاکستان جیمز اینڈ جیولرز ایسوسی ایشن کے مطابق کاروباری ہفتے کے پہلے روز مقامی صرافہ مارکیٹوں میں24 گرام سونے کی فی تولہ قیمت میں 4400 روپے کی کمی ہوئی ہے جس کے بعد نئی قیمت 4 لاکھ 71 ہزار 762 روپے ہو گئی ہے۔

ایسوسی ایشن کے مطابق اسی طرح 10 گرام سونے کی قیمت میں 3 ہزار 773 روپے کمی ہوئی، جس کے بعد نئی قیمت 4 لاکھ 4 ہزار 459 روپے ہوگئی۔

علاوہ ازاں 24قیراط کی حامل چاندی کی فی تولہ قیمت بغیر کسی کمی بیشی کے 8ہزار 34روپے کی سطح پر جبکہ 10گرام چاندی کی قیمت بھی گزشتہ سطح 6 ہزار 887روپے پر برقرار ہے جس میں کوئی تبدیلی نہیں آئی۔ 

دوسری جانب عالمی بلین مارکیٹ میں سونے کی قیمت میں 31ڈالرز کی کمی دیکھی گئی جس کے نتیجے میں سونے کی فی اونس قیمت 4 ہزار 494ڈالرز کی سطح پر آگئی۔