علی ظفر نے اپنے البم "روشنی" کے گانے  کی میوزک ویڈیو جاری کر دی

لاہور: پاکستان کے نامور گلوکارعلی ظفر نے اپنے البم "روشنی" کے گانے  کی میوزک ویڈیو جاری کر دی ہے، جس میں انہوں نے 2002 میں بنائی گئی اپنی تھیسس پینٹنگ کو ایک شاندار اے آئی تخلیق کردہ سنیماٹک تجربے میں تبدیل کر دیا ہے۔

تفصیلات کے مطابق موسیقی اور فلموں میں آنے سے بہت پہلے علی ظفر نے نیشنل کالج آف آرٹس میں بطور مصور اور فائن آرٹس کے طالبعلم تربیت حاصل کی تھی۔یہ ویڈیو ان کے دو دہائیاں پرانے ذاتی فن پارے کو نئی زندگی دیتی ہے، جہاں ناظرین کو محبت، یادوں، جدائی اور جذباتی تنہائی پر مبنی ایک پراسرار مصوری کی دنیا میں لے جایا جاتا ہے۔

اس منصوبے کی ہدایت کاری Fawaz Rehan اور Ayelah Asim نے کی، جبکہ پوری ویڈیو اے آئی ورچوئل پروڈکشن کے ذریعے تخلیق کی گئی، جہاں ہر منظر مصنوعی ذہانت کی مدد سے تیار کیا گیا، مگر اصل پینٹنگ کی ساخت اور جذبات کو برقرار رکھا گیا۔

“شدّت” محض ایک میوزک ویڈیو نہیں بلکہ علی ظفر کے بطور مصور، موسیقار اور کہانی کار سفر کو دوبارہ جوڑتی ہے، جہاں فائن آرٹ، سنیما، موسیقی اور اے آئی کو یکجا کر کے البم “روشنی” کی سب سے بصری طور پر متاثر کن پیشکشوں میں سے ایک بنایا گیا ہے۔