پاکستان رینجرزاکیڈمی منڈی بہاؤالدین میں ریکروٹس کی پاسنگ آؤٹ پریڈ کا شاندارانعقاد

منڈی بہاؤالدین: پاکستان رینجرز اکیڈمی میں ریکروٹس کی پاسنگ آؤٹ پریڈ کا شاندار انعقاد کیا گیا جس میں ڈائریکٹر جنرل پنجاب رینجرز مہمانِ خصوصی تھے۔

پاسنگ آؤٹ پریڈ بیسک ٹریننگ کورس-35 مکمل کرنے والے 584 ریکروٹس نے حلف اٹھایا۔ تقریب کے دوران مہمانِ خصوصی نے نمایاں کارکردگی دکھانے والے ریکروٹس میں انعامات تقسیم کیے۔بیسک ٹریننگ کورس-35 میں بہترین کارکردگی پر سپاہی مفاہم یونس کو ڈی جی کین سے نوازا گیا۔

پاس آؤٹ ہونے والے ریکروٹس نے پنجاب رینجرز میں شمولیت کو اپنے لیے اعزاز قرار دیا اور دفاعِ وطن کے لیے اپنی تمام تر صلاحیتیں بروئے کار لانے کے عزم کا اظہار کیا۔

پاکستان رینجرز نے اس عزم کا اعادہ کیا کہ ادارہ ملک میں امن و امان کے قیام اور استحکام کو یقینی بنانے کے لیے ہمہ وقت پرعزم ہے۔