دوسرا ونڈے : پاکستان کا بنگلہ دیش کو جیت کیلئے 275 رنز کا ہدف

ڈھاکا:پاکستان اور بنگلہ دیش کے مابین جاری تین ون ڈے میچز پر مشتمل سیریز کے دوسرے میچ میں پاکستان نے بنگلادیش کو جیت کیلئے 275 رنز کا ہدف دے دیا۔

تفصیلات کے مطابق میر پور کےشیر بنگلا سٹیڈیم میں دوسرے ون ڈے انٹرنیشنل میچ میں بنگلادیش نے پاکستان کے خلاف ٹاس جیت کر پہلے بولنگ کرنے کا فیصلہ کیا تاہم پہلے بیٹنگ کرتے ہوئے پاکستان کی پوری ٹیم 47.3 اوورز میں 274 رنز بناکر پویلین لوٹ گئی۔

پاکستان کی جانب سے معاذ صداقت 75 اور کپتان سلمان علی آغا 64 رنز کیساتھ نمایاں رہے، صاحبزادہ فرحان 31، شمائل حسین 6، محمد رضوان 44 رنزاور فہیم اشرف نے 14 رنز اسکور کیے۔

بنگلادیش کے  رشاد حسین نے 3 اور مہدی حسن میراز نے 2 کھلاڑیوں کو آؤٹ کیا۔

واضح رہے کہ بنگلا دیشی ٹیم کی نظریں آج سیریز اپنے نام کرنے پر مرکوز ہیں جبکہ پاکستان ٹیم تیسرے میچ کو فیصلہ کن بنانے کے لیے آج جان کی بازی لگا دے گا۔

خیال رہے کہ 3 ایک روزہ میچوں کی سیریز کے پہلے میچ میں بنگلادیش نے پاکستان کو عبرتناک شکست دی تھی، بنگلادیش نے یہ میچ 8 وکٹوں سے اپنے نام کیا اور سیریز میں 0-1 کی برتری حاصل کی۔