سپرایٹ :اسپنرز کا جادو چل گیا، انگلینڈ نے سری لنکا کو باآسانی51 رنز سے شکست دے دی

پالی کیلے: آئی سی سی ٹی ٹوئنٹی ورلڈ کپ کے سپر ایٹ مرحلے میں انگلینڈ نے سری لنکا کو باآسانی 51 رنز سے شکست دے دی۔

انگلینڈ کی جانب سے دیے گئے 147 رنز کے ہدف کے تعاقب میں سری لنکن ٹیم 95 کے مجموعی اسکور پر ہی آؤٹ ہو گئی۔

سری لنکا کی جانب سے کوئی بھی بلے باز خاطر خواہ کارگردی کا مظاہرہ نہ کر سکا اور انگلش اسپنرز کے بچھائے گئے جال کا شکار ہو گئے۔سری لنکا کی جانب سے شنانکا 30 رنز بنا کر نمایاں رہے جبکہ کمینڈو مینڈس13 ،ویلالائگے 10اور تکشانہ10رنز پر ناٹ آؤٹ رہے۔

انگلینڈ کی جانب سے ویل جیک نے3،لیام ڈاؤسن ، جفرا آرچر،اور عادل رشید نے 2،2 وکٹیں حاصل کیں جبکہ اووریٹن نے ایک کھلاڑی کو آؤٹ کیا۔

اس سے قبل پالی کیلے میں کھیلےگئے میچ میں سری لنکا نے انگلینڈ کے خلاف ٹاس جیت کر فیلڈنگ کا فیصلہ کیا تھا۔

انگلینڈ نے پہلے بیٹنگ کرتے ہوئے مقرر 20 اوورز میں 9 وکٹوں پر 146 رنز بنائے، سری لنکا نے شاندار بولنگ کا مظاہرہ کرتے ہوئے فل سالٹ کے علاوہ کسی انگلش بیٹر کو کھل کر نہ کھیلنے دیا۔

انگلینڈ کی جانب سے فل سالٹ نے 40 گیندوں پر 62 رنز کی شاندار اننگز کھیلی، ول جیکس 21 رنز بنا کر دوسرے قابل ذکر کھلاڑی رہے۔جبکہ سری لنکا کی جانب سے دنِتھ ویلالاگے نے 3 کھلاڑیوں کو آوٹ کیا،مہیش تھیکشنا نے 2 وکٹیں حاصل کیں۔

یارہے کہ گزشتہ روز سُپر ایٹ مرحلے کا پہلا میچ پاکستان اور نیوزی لینڈ کے درمیان ہونا تھا جو کہ بارش کے سبب شروع بھی نہیں ہو سکا تھا،بارش کے باعث میچ منسوخ ہونے سے دونوں ٹیموں کو ایک ایک پوائنٹ دے دیا گیا۔