اداکارہ عائزہ خان، امر خان، رشیم اور ایمان سلیمان کی فیشن شو میں شاندار کیٹ واک

لاہور (کلچرل رپورٹر)لام فیشن ویک کے زیر اہتمام نامور فیشن ڈیزائنر حسین ریہر اپنے خصوصی فیشن شو کے ذریعے عروسی ملبوسات کی نمائش کی۔

اس موقع نامور اداکارہ عائزہ خان، اداکارہ ریشم اور سپر ماڈل ایمان سلیمان نے بطور شو سٹاپر حصہ لیا جبکہ نامور اداکارہ درفشاں سلیم ، اداکارہ حریم فاروق، امر خان، معروف میزبان ندا یاسر ، شائستہ لودھی، ثروت گیلانی، عفت عمر، صائم علی دادا، اور اداکارہ سونیا حسین نے بطور مہمان خصوصی شرکت کی۔

اس موقع پر فیشن انڈسٹری سے تعلق رکھنے والے افراد نے کثیر تعداد میں شرکت کی فیشن شو میں نامور فیشن ڈیزائنر حسین ریہر کی جانب سے عروسی ملبوسات کے ساتھ فارمل ڈریس شادی بیاہ دیگر تقریبات میں استعمال کیئے جانے والے شاندار کپڑوں کی نمائش کے ساتھ ساتھ خوبصورت جیولری نے شائقین کے دل جیت لیے جبکہ فیشن شو کے دوران ماڈلز نے ریمپ پر دلکش واک کرتے ہوئے حسین کے تخلیق کردہ خوبصورت عروسی اور فارمل ملبوسات پیش کیے۔

پیش کیے گئے ملبوسات میں جدید اور روایتی انداز کا حسین امتزاج دیکھنے کو ملا، جو شادی بیاہ اور خاص تقاریب کے لیے نہایت موزوں تھاڈیزائنز میں استعمال کیے گئے اعلیٰ معیار کے فیبرکس، نفیس کٹ ورک کے ساتھ پیش کی گئی دیدہ زیب جیولری نے کلیکشن کی خوبصورتی میں مزید اضافہ کیا۔

عروسی ملبوسات کے ساتھ میچنگ جیولری کو حاضرین نے بے حد پسند کیا اور اسے فیشن شو کی خاص جھلک قرار دیا۔شو میں موجود جیوری اور مہمانوں نے کلیکشن کو خوب سراہا جبکہ حاضرین نے فیشن شو کو بھرپور طریقے سے انجوائے کیا۔ فیشن کے حوالے سے یہ شو خاصا مقبول رہا اور شرکائ کی جانب سے اسے بھرپور پذیرائی حاصل ہوئی۔دلہنوں کے لیے تیار کیے گئے عروسی ملبوسات، دلکش جیولری اور جدید فارمل ڈریسز نے شو کو چار چاند لگا دیے۔

مجموعی طور پر حسین ریحان کا یہ ایکسکلوزیو فیشن شو پاکستانی فیشن انڈسٹری میں ایک کامیاب، متاثر کن اور یادگار ایونٹ ثابت ہوا۔تقریب کو لاہور کے مشہور علاقے گوالمنڈی میں واقع اسلامیہ کالج کے ہال میں سجایا گیا۔