سونا عوام کی پہنچ سے مزید دور، قیمت میں آج پھر بڑا اضافہ،فی تو لہ کتنے کا ہو گیا؟

کراچی:عالمی و مقامی مارکیٹوں میں سونے کی قیمتوں میں آج پھر نمایاں اضافہ ریکارڈ کیا گیا۔

آل پاکستان جیمز اینڈجیولرز ایسوسی ایشن کے مطابق کاروباری ہفتے کے دوسرے دن بھی سونے کی قیمت میں ہزاروں روپے کا بڑا اضافہ ہوگیا، جہاں فی توسونا 1500 روپے مہنگا ہوا جس کے بعد سونے کی نئی قیمت  5 لاکھ 26 ہزار 262 روپے ہو گئی۔

ایسوسی ایشن کے مطابق اسی طرح  10 گرام سونے کا بھاؤ 1286 روپے بڑھ کر 4 لاکھ 51 ہزار 184 روپے ہوگیا۔

دوسری جانب عالمی بلین مارکیٹ میں بھی سونے کی قیمت میں اضافہ دیکھنے میں آیا، جہاں فی اونس سونا 15 ڈالر اضافے کے بعد 5,035 ڈالر پر پہنچ گیا۔

علاوہ ازاں فی تولہ چاندی کی قیمت بغیر کسی تبدیلی کے 8 ہزار 615 روپے پر مستحکم رہی جب کہ فی دس گرام چاندی کی قیمت بھی بغیر کسی تبدیلی کے 7 ہزار 385 روپے کی سطح پر برقرار رہی۔