ایمل ولی خان نے وزیراعظم کو شرکت کی دعوت دے دی

وزیراعظم محمد شہباز شریف سے عوامی نیشنل پارٹی (اے این پی) کے رہنما اور سینیٹر ایمل ولی خان نے ملاقات کی، جس میں انہیں اے این پی کی جانب سے منعقد کی جانے والی آل پارٹیز کانفرنس (اے پی سی) میں شرکت کی باضابطہ دعوت دی گئی۔

وزیراعظم نے اے پی سی میں شرکت کے حوالے سے پاکستان مسلم لیگ (ن) کی جانب سے نمائندگی کے لیے کمیٹی تشکیل دینے کی ہدایت جاری کر دی۔

ملاقات کی تفصیلات:

ملاقات کے دوران سینیٹر ایمل ولی خان نے وزیراعظم کو یومِ آزادی کی مبارکباد پیش کی، جب کہ دونوں رہنماؤں کے درمیان ملک کی مجموعی سیاسی صورتحال پر بھی تفصیلی تبادلہ خیال کیا گیا۔

اس موقع پر وزیراعظم کے مشیر برائے داخلہ رانا ثناء اللہ اور معاون خصوصی طلحہ برکی بھی موجود تھے۔