پاکستان اسٹاک ایکسچینج میں مسلسل تیزی کا رجحان بر قرار، نئی حد عبور کرنے کے قریب

پاکستان اسٹاک ایکسچینج (پی ایس ایکس) میں تیزی کی لہر برقرار ہے، کاروباری ہفتے کے تیسرے روز بھی زبردست تیزی کا رجحان ہے، جس کے باعث 100 انڈیکس ایک لاکھ 48 ہزار کی حد عبور کرنے کے قریب ہے۔

کاروبار کے آغاز پر 100 انڈیکس میں 821 پوائنٹس کا اضافہ ریکارڈ کیا گیا جس سے انڈیکس بلند ترین سطح ایک لاکھ 47 ہزار 826 پر ٹریڈ کرتے دیکھا گیا۔

دوسری جانب روپے انٹر بینک میں ڈالر کی قیمت میں کمی ریکارڈ گئی ، ایکسچینج کمپنیز ایسوسی ایشن کے مطابق 10 پیسے کی کمی سے انٹر بینک میں ڈالر کی قیمت 282 روپے 32 پیسے ہو گئی۔

واضح رہے گزشتہ کئی دنوں سے ڈالر مسلسل سستا ہو رہا ہے جس سے پاکستانی روپے کی قدر میں بہتری آئی ہے۔